قومي توضي هذا وقت صلاة

السلام عليكم
شلووووونكم يا حلوات

بما ان احنا نضيع وااااااايد وقت واحنا مجابلين اللابتوب وبس نتصفح ومسنجر ووقتنا يمر مثل البرق
ويمكن يدخل وقت الصلاة وبعضنا مايشعر فيه او ينسى وجل من لايسهو
حبيت احط هالموضوع كنوع من التذكير لنا
ونرفعه بوقت الاذان وبوقت دخول كل صلاة
وان شاء الله الاجر مكتوب لكل وحده ترفع هالموضوع وتذكر البنات بدخول وقت الصلاة وان احنا لازم نستعد لها الحين قومي توضي صلاة
بس تدخلين كتبي (( قومي توضي هذا وقت صلاة ))
واللي تحب تزيد بايه اوحديث او استغفار او نصيحه براحتها
بس بنات عفيه نبي نذكر بعض باهم الاوقات بحياتنا
بارك الله فيكم

اتمنى ان ينال اعجابكم
اختكم بالله